تركستان

أهلا
تركستان

هذا المنتدى خاص بالتركستانيين في السعودية أو مايعرف ب البخارية و عام لجميع من هم من تركستان و غيرها من البلدان و الدول من عالمنا التركي الكبير.


    أسئلة عن الاتراك

    شاطر
    avatar
    Sultan Uyghur

    المساهمات : 101
    تاريخ التسجيل : 16/03/2010

    أسئلة عن الاتراك

    مُساهمة  Sultan Uyghur في الإثنين مايو 17, 2010 1:48 am

    س1/ سلطان دحين الدولة العثمانية مين اللي سواها ؟؟ و هل الاتراك اللي كانو فيها من جماعتنا ؟؟ولا كانو اتراك لكن اصولهم مي تركية يعني يونانيـن او بوسنيـن ؟؟


    اللي سوا الأمبراطورية العثمانية هم قبيلة تركية من قبائل الأوغوزو تركيا اصلا ما كان فيها اتراك, تركيا مر عليها و سكن فيها اجناس كثيرة, بعد الهجرات للقبائل التركية لأنهم بدو رحل من وسط اسيا الة جهة مايسمى الأن الشرق الأوسط بدء العنصر التركي في الوجود في تركيا الحالية و كانت نص او ثلاث ارباع تركيا حاكمها السلاجقة و السلاجقة من عرقنا برضو و حكم تركيا كمان المماليك, وبعدها اتمكنو منها العثمانين فاللي كانو في تركيا الحالي هم من كل جنس ارمن و اكراد و يونانين و من البلقان وغيرهم قبل مجيء المماليك و السلاجقة و العثمانين.

    عشان كذا تشوف مشاكل الى الأن بين اليونان و تركيا بين ارمينيا و تركيا و بين الأكراد و تركيا.

    س2 / طيب تركيا اتسمت بهده التسمية عشان جماعتنا (البخارية) كانو هما رؤساء هديك المنطقة

    اللي هيا تركيا بس قبل ما تتسمى تركيا ؟؟

    لمن حكموها السلاجقة سمو المنطقة الأمبراطورية السلجوقية و لمن جو العثمانين سمو نفسهم دولة عثمان او الأمبراطورية العثمانية نسبة الى والدهم الكبير مؤسس الدولة عثمان و بعد سقوط الأمبراطورية العثمانية من خيانة العرب و هجوم روسيا و اليونان و الدول الأوربية عليها استلمها اتاتورك البطل اللي هوا كان قائد في الجيش العثماني و غير الأسم الى تركيا لأن زي ما احنا عارفين انو هما يرجعو للجنس التركي.

    س3 / دحين كازاخستان و تركمانستان كانت او تابعة لـ تركستان ؟؟ يعني كانت جوا تركستان ؟؟

    قديما ايام الأمبراطوريات كانو كلهم سوا تحت مسمى الأمبراطورية لكن قريبا ما تجمعو في دولة صريحة تحت مسمى واحد لكن اتجمعو ولا ما اتجمعو فكلها اراضي تركية ملك لنا من سيبيريا الى تركيا.


    س4 / انا سمعت انو العثمانين دخلو السعودية طيب مين هما العثمانيـن ؟؟ و ليش سموا بالعثمانيـن ؟؟

    طبعا بعد ما صيطرو العثمانين على تركيا الحالية بدأو في التوسع في اوروبا و نزولا تحت للشام و شبه الجزيرة و افريقيا و حكمو الحجاز و الشرقية و الجنوب حتى القصيم و نجد لكن هنا طبعا ينكرو هذا الشي.


    س5 / كيف معاملة تركيا الان لـ جماعتنا بعد الاحتلال (ادا كان لك خبرة في اجابة دا السوال) ؟؟

    كيف معاملة تركيا لتركستان ؟ اذا كان هذا قصدك فالخلافة العثمانية للأسف كان همها الوحيد هوا الدين لذلك ما اهتمت كثير في تركستان عكس الدولة التركية اللي القومية عندها فوق كل شي. عموما تركيا مواقفها واضحه اتجاه تركستان و المظاهرات ضد الصين بتنعمل كل شهر و الرئيس التركي ما قصر في احداث المجزرة الأخيرة اللي سووها الصينين, و بعدين اي اويغور يبغى الجنسية التركية ياخذها بسهولة و في الدوائر الحكومية و المطار لمن يعرفو انك من تركستان سواءا اويغور و لا اوزبك يحيوك و يحترموك, وفي المقر الرئيسي للجيش في مذكرة كبيرة منقوشة على الحجر في مدخل المقر كاتبها تاتورك انو لازم نهتم بالأويغور خصوصا في تركيا و خارجها لأنهم الأصل, انا مرة ركبت مع واحد تاكسي في تركيا و اول ما عرف اني من تركستان وقف السيارة و نزل ضمني و جلس يبكي يقول سامحونا احنا تركناكم, و كان رجال كبير.


    س6 / طيب احنا دحين الاتراك الاصل ؟؟ يعني لو ما احنا موجودين ما كان تركيا اتسمت بـ دا الاسم ؟؟

    ايوه احنا نرجع من قدم القبائال التركية الموجودة حاليا فنهم احنا نعتبر من اصل الأتراك, وزي ما قلتلك تركيا سمت نفسها بدا الأسم لأنهم يرجعو اتراك.

    مثلا نقول قبيلة من شبه الجزيرة عرب هاجرو مكان جديد و سيطرو عليه وبعد مدة طويلة قامو يبغو يختارو اسم لدولتهم الجديدة, ما يبغو يسموها على اسم قبيلتهم مثلا زي كازاخستان, قررو يسموها على اسم عرقهم عرب و قامو سموها عربيا مثلا, زي كذا.


    س7 / مين اللي ادخل تركستان في الاسلام ؟؟

    طبعا على طول راح ينطلك العرب و يقولولك انو قتيبة الباهلي في العصر الأموي وصل كاشغر, دا الكلام غلط في غلط, الجيوش الأسلامية وصلت مايسمى الأن بأوزبكستان ووقفت هناك على حدودها لأنهم اصلا ماقدرو يدخلو تركستان الشرقية لأنهم واجهو دفاع جبار من اهلها لصد الغزو العربي بأسم الأسلام, طبعا بعد ما قتل قتيبة المئات من الأتراك اللي كانو عايشين في اوزبكستان في ذاك الوقت و ادخلهم بالأسلام صارت تركستان الغربية مسلمة قبل الشرقية, مرت السنوات وقام حاكم الأويفور اللي اسمه سلطان بوغراخان بالسماع عن الأسلام و عجبو الأمر و اسلم و اسلم اللي تحته و بعدها كل الأويغور.


    س8 / متى الصين بدات تهجم على تركستان ؟؟

    من قبل ما يتولد المسيح ب 300 سنة تقريبا بدأت تتسجل في التاريخ المعارك بين أجدادنا و بين اجداد الصينين القذرين وطبعا الصراع بدأ من قبل هذا التاريخ بكثير لكنه مو مسجل و طبعا من خوفهم و جبنهم بنو سورهم اللي يسموه عظيم جيل و راج جيل خوفا من ملاقاة اجدادنا, الصينين احتلو تركستان تقريبا ثلاث مرات لكن كانت لفترات بسيطة وبعدها ينطردو زي الكلاب, لكن هذي المرة بدأو من عام 1949 يعني تقريبا في نفس السنة اللي احتلت فيها اسرائيل فلسطين, و تعتبر هاذي المرة هي الأخطر على الأويغور لأن فيها استيطان و هجرة للصينين, مو زي زمان كانو احتلال عسكري بس.


    س9 / العثمانيـن كلهم اتراك ؟؟ طيب لو اتراك هما يرجعو من اي قبيلة ؟؟

    العرق التركي ينقسم الى ستة أقسام ومنها الأوغوز Oghuz وهم الأتراك الشرقيين اللي اتجهو شرق واللي طلعت منهم دولة تركيا و تركمنستان و ازربيجان واتراك ايران و اتراك العراق التركمان وغيرهم, و من الأوغوز طلع كل من البوزوك و الأوتشوك و من البوزوك خرجت قبيلة اسمها كاي Kayi وهيا اللي يرجع منها عثمان مؤسس اللأمبراطورية العثمانية.


    اخر سؤال / محمد الفاتح كان تركي ؟؟

    محمد الفاتح من نسل عثمان مؤسس الأمبراطورية العثمانية و سمي بالفاتح لأنه على يده فتحت القسطنطينية اللي هي اسطنبول اليوم, طبعا تركيز


    -------------------------

    اسف على الرد المتأخر و السريع, عندي شوية مشاغل و انشاءالله راح افصلك اكثر في الأجوبة و ادعمها بصور.

    سلطان أويغور

      الوقت/التاريخ الآن هو الإثنين مايو 29, 2017 11:14 am