لماذا نسمى " بخاريين " ونحن من تركستان الشرقية ؟

هاذي بعض الصور المتعلقه بالموضوع واللي يقرا ردي الأول يقدر يتابع سطر بسطر مع الصور عشان يفهم أكثر تحياتي لكم و أي أحد عندو أسئله عن الرد الأول أو هاذي الصور لا يتردد.

خريطة تركستان الشرقية Eastern Turkistan وموضح عليها مدننا الحبيبة

وهنا تركستان الحبيبة بعد الأحتلال الصيني لها و دي خريطة الصين كلها معاها تركستان وتلاقوها لونها أصفر اكبر وحده مكتوب عليها Xinjiang ودا الأسم الجديد حقها اللي سموها بيه الصينين وبالنسبة لخريطة الصين شوفو كل الأجزاء اللي بالأصفر اصلا مو من حق الصين وتعتبر محتلتها زي التبت وطبعا في غيرها أجزاء من اللي لونهم وردي اصلا كمان مو حقة الصين.

علم تركستان الشرقية و عليه الذئب اللي في بلدنا نحترمه و نعزه لأنه كان مقدس عند أجدادنا الأتراك الأول و يعتبر رمز لكل الأتراك

صورة تبين جميع الفروع و القبائل التركية اللي من جنسنا و في الصورة القازاق و القيرغيز و غيرهم

خريطة تركستان الغربية اللي فيها أوزبكستان قازاخستان تركمنستان و اوزبكستان والحين هاذي دول مستقلة بعد ما اتحررت من الأستعمار السوفييتي الروسي و انشاءالله ترجع وجده اما تركستان الشرقية تقدرو تشوفوها على اقصى يمين الصورة UYGHURISTAN

خريطة الأتحاد السوفييتي وهوا محتل كل شمال اسيا مع بلداننا سيبيري و ياقوتيا و تركستان الغربية

وهاذي الخريطة تقريبا عام 1990 لمن اتحررت منها تركستان الغربية وصارت عدة دول باسم اوزبكستان و غيرها و كمان شوفو في يسار الخريطة استقلت كمان اوكرانيا و لاتفيا واستونيا وغيرها لكن لسا في كثير ناس و دول و اجناس تحت الأحتلال الروسي الله يحرق الروس وعرقهم السلافي الحقير

وهاذي الصورة توضح روسيا الحقيقة واللي المفروض تصير, كل هاذي الأجزاء المفروض تستقل عنها و تصير زي في الصورة و طبعا نصها حقتنا ملك للجنس التركي ملك للياقوت و السيبيرين و التتار و هذولي كلهم مننا وشوفو الجزي اللي في اليسار اللي مكتوب عليه Moscovia هاذي بس بلد الروس الحقيقية بس و الباقي كله محتلينو

خريطة توضح تركستان الشرقية بعد احتلال روسيا لتركستان الغربية واستعداد كل من روسي و الصينا للهجوم على تركستان الشرقية

هاذي خريطة طاجيكستان Tajikistan والطاجيك ماهم من جنسنا و لاقربولنا بل هم من أقرباء الأفغان و الأيرانين والبكستن و طقتهم

وهاذي خريطة توضح ايران و الطاجك و الأفغان و الباشتون و الأكراد وغيرهم كدولة واحده وعرق واحد و في الخريطة طبعا اعتداء على اراضي تركيا و اذربيجان و أوزبكستان و تركمنستان اللي هي اراضينا.

بالنسبة لأفغانستان ففيها كثير اعراق و مجموعات, يعني فيهل الطاجيك و البشتون و غيرهم من المجموعات الأيرانية و هذولي مايقربولنا و لا هما مننا و برضو فيها من عرقنا التركي زي الأوزبك و التركمان و القيرغيز و غيرهم, ثانيا زي ما في ناس هاجرو زينا للسعودية عشان الحرب ففي كثير مننا هاجرو لأفغانستان.

يعني مو كل ما ينقال افغاني يعني مننا, ممكن يكون ايوه وو مكن يكون لا و اللي يتريق ويقول افغاني و مادري ايش اصلا هوا مريض نفسي و مافي احد في الدنيا يتريق على احد تاني الا عشانو ناقص ولا اقلك جيبيلي اسم اللي يتريقو و انا اطلعلك كل فضايحهم مهما كانو و اقلك عليها لووول

أتمنى اني افدتك و خليكي دايما زي ما انتي فخورة انك أوزبك ترجعي للعرق التركي

السلام عليكم
عندي شوية اسئلة اذا امكن؟؟؟
هل كان البخاريه الاصل لون شعرهم شقر ولان اصبحو باشكال اسيويه بسبب التجانس وتخالط الانساب مع الصينيين؟؟


الحبشين احتلو اليمن قديما لمدة 500 سنة, هل نقدر نقول ان اليمنين مختلطين بالأنساب مع الحبشين؟ الصينين احتلو تركستان اذا عديناها تقريبا 3 او 4 مرات و وكل وحدة منهم تقريبا 15 الى20 سنة والأن محتلينها تقريبا 60 سنة يعني لو جمعناهم كلهم يطلعو تقريبا 115 او 120 سنة و ماننسى انها متفرقة و في كل مرة بينطردو زي الكلاب و انشاءالله طردهم قريب فهل 120 سنة متفرقة نقدر نقارنها ب 500 سنة زي اليمن مع الحبشيين؟ ماكان و لا في تجانس مع الصينين ابدا لأن الصينين و الترك أعداء من بداية الحياة على هذه الكوكب,وحتى لو رحتي الأن تركستان الشرقية المحتلة من المجرمين الصينين حتلاقي او مافي زواج ابدا و في كل مدينة يكون الأويغور و الصينين كل منهم في حارة منفصله و كأن كل مدينة مقسومة قسمين.

الترك و الأويغور القدماء اجداد التركستانين او البخارية الحاليين يقال بأن شعورهم كانت أصفر و بني و حتى أحمر و حتى لون العيون لكن شكل الوجه هوا نفسه العيون الوسط و الخشم الواقف, اما ذا كان في ناس عيونها اصغر وشكل الوجه يختلف ففي زي القازاق و القيرغير و ترك سيبيريا لكن هذا مو شبه بالصينين, هذا الأختلاف حاصل بسبب البيئه و الجو اللي عاشو في لسنوات طويله, ولو تدققي اكثر راح تلاحظي الفرق, زي الأوروبيين لمن يشوف مثلا ايراني و باكستاني و بنقالي و سعودي ويمني لابسين نفس اللبس راح يقول انهم واحد.

مو اي واحد عيونو وسط و لا صغيرة نقول عنو صيني ! هذا فيه ظلم لأبناء اسيا الأخرين زي الكوريين و اليابانين اللي ابدا عرقيا مالهم دخل بالصينين و لا حتى كمان نقدر نقارن الأندونوسيين و غيرهم بالصينين.

ختام الكلام ان الترك و الأويغور مالهم اي اشتراك عرقي او غيره مع الصينين.

صور لأطفال ترك أويغور





صور لأطفال هان صينين



ها؟ في فرق ولا لا ؟ الأعمى بس اللي يقول مافي فرق.

على فكرة انا ولدي اشقر و انا لمن كنت صغير كان شعري بني فاتح و الأن غامق.

انا من اصل اوزبكي قوقوندي وزوجي قشقري وماتتخيلو قد ايش كان استقبالي من قبل القشقر مررة مايبغوني وزعلانيين انو ولدهم القشقري اخد قوقندية طبعا العجايز( زعلانين من ام زوجي ليش تزوج ولدها من دي العيلة )
فعشان كدا افضل انو يقولو بخارية بغض النظر من اي بلد لان العنصرية لسا فيه حتى الهجرة ماقربتهم من بعض

هذا رايي

وبعدين اننا ننسب للبخاري نسبة للامام البخاري هدا شرف كبير لنا

العنصرية في ما بيننا موجودة وهذا شي عادي موجود بين كل البشر و حتى هنا لمن اواحد ياخذ من قبيلة ثانية بتصير نفس الحكاية فهذا شي عادي و وكلنا واحد والعنصرية و التفرقة ما بدأت الا عن انقسامنا لأمارات وولايات كل مدينة لوحدها و عدهاجا الأحتلال الروسي اللي غذا هذا الشي.

الأفضل اننا ما نقول على نفسنا بخاري و السبب ذكرته اكثر من مرا فيكذا موضوع لأن الأفضل اننا نقول تركستانين لأنها الأصح و ادق.

طيب انا لمن اودي اولادي للمستشفى اتكلم مع الممرضات الفلبينيات فلمن يشوفني اتكلم بللغة الانجليزية معاهم يحبو يتعرفو عليا فاول شي يقولولي هوا انتي مو سعودية انتي من فين ؟؟؟؟؟؟
فاقلهم انا من اوزبكستان مايعرفوها واجلس بس اوصف فين مكانها في الخريطة في النهاية اقلهم روسيا واحكيهم القصة موعرفينها خلاص يعرفو روسيا وانتهينا
على العموم انا ماني عنصرية جدا واحب اقول انا من ارض الحجاز اتولد واترعرعت فيها اعشق ترابها واعشق هواها

تقوليلهم من روسيا ! هذا اللي مودينا في دهية! هذا واحد من الأسباب اللي بتخلي الناس ما بتعرف احنا من فين للأسف! غلط غلط غلط أختي أم ابراهيم يعني بالله ترضي انك تنسبي نفسك و اولادك لناس قتله و مجرمين قتلو اجدادك و احتلو ارضك بس عشان ترضي ناس ما يعرفو شي في الجغرافيا! خلاص قولي أوزبكستان وعساهم ما فهمو ! الحين مثلا فلسطين محتله من اسرائيل و لمن تدوري اسم فلسطين في الخريطه ما تلاقيه بتلاقي اسرائيل و في ناس كثير في الغرب ما يعرفو ايش هيا فلسطين فهل قد سمعتي احد فلسطيني يقول انه من اسرائيل اذا احد قله انا ما اعرف فين فلسطين! وبعدين ايش دخل حب الحجاز و السعوديه في املوضوع ! هذا الكلام ما يبغاله نقاش! السعودية بلدنا و ارضنا اللي اتولدنا فيها بس برضو هذا ما يخلينا ننسى احنا من فين جينا !

الكلام للجميع لمن احد مايعرف فين اوزبكستان و تركستان اشرح ياخي! هل فيها شي! مافيها شي ابدا بالعكس هذا واجبك الا عاد اذا كنت تستحي فأنا انصح ان الواحد يروح يغير لقبو الأخير و يحط محمد و لا عبدالمحسن و يمر بالمرة على دكتور تجميل يغير لون بشرتو وحجم عيونو.

أختي أم ابراهيم الرجاء عدم الأستهانه بالموضوع لأن لو الأولاد سمعونا نقول زي ما بتقولي فراح هما كمان يسو نفس الشي ويقول اللي بتقوليه و احنا هذا الشي ما نبغاه احنا نبغاهم يعرفو اصلهم و يفخرو فيه ما نبغاهم يستعرو منو و يجيهم عقد, الله يحفظهم و يوفقهم.

انا معاك يا سلطان
في كتير ناس بيستهينو بهادي الامور ..
وللاسف دا بيؤثر في الجيل الجديد
وانا نفسي في اشياء كتيرة اتعلمتها من اهلي غلط ..
لازم الانسان يكون عندو ثقة في نفسو واصلو

والله انا ماقلت اني انا روسية بلعكس انا دايما اقلهم اني انا اوزبكية واشرحلهم موقعنا في الخريطة

وعمري ما اتشرف اني روسية ولا عمري قلت اني روسيا بلعكس انا اعرف انو اي واحد لو قلتلو انا روسية ماراح يجي في بالو الا انهم ناس قتلة وفيها اكبر دعارة والعياذ بلله

بلعكس انا افتخر اني انا بخارية واتشرف كمان بنسبي وكاتبيين نسبنا بلكامل

وعمري ماراح اتخلى عن لقبي اللي اصلا اسم لمدينتي في اوزبك ستان

لدرجة انو الناس احيانا مايعرفو اني انا بخارية لانو شكلي مو بخاري بلمرة فيلخبطو في جنسي عمري ماقلتهم اني انا تركية دايما اقلهم انا بخارية من اوزبك ستان

بس انا بما اني من مواليد المدينة اعشق المدينة واعشق ترابها انت بتقول ايش دخل لا ليها دخل
من عاشر قوما اربعين يوما صار منهم فمابالك بسنين الله اللي عايشين فيها في المدينة
احب اقول اني حجازية مدينية ويرجع اصلي اوزبكية يا زينني ههههه